სპეცდანიშნულების რაზმმა ჭანტურიას ქუჩა აქციის მონაწილეებისგან გაათავისუფლა. მათ დასაშლელად საპოლიციო ძალებმა ცრემლსადენი გაზი გამოიყენა.

დაშლის ღონისძიების შემდეგ, მომიტინგეებმა თაბუკაშვილის ქუჩაზე გადაინაცვლეს. ადგილზე აქციის მონაწილეებმა ცეცხლი წაუკიდეს ნაგვის ურნებს.

ამ დროისთვის, სპეცრაზმი დგას რუსთაველის გამზირსა და ჭანტურიას ქუჩის კვეთაზეც. ადგილზე განლაგებულია წყლის ჭავლისა და სახანძრო-სამაშველო მანქანები.

დემონსტრანტთა ძირითადი ნაწილი კი ამ დროისთვის, სასტუმრო „ბილტმორის“ მიმდებარედ დგას. პერიოდულად აქციის მონაწილეები წინ მიიწევენ, პროტესტის თავდაპირველი ადგილისკენ, თუმცა სპეცდანიშნულების რაზმი ამის საშუალებას არ აძლევს.

საპოლიციო ძალები ამ დრომდე, პერიოდულად იყენებენ სპეციალურ საშუალებებს, მათ ე.წ. გაზის კაფსულებს.