ქუთაისში საპროტესტო აქციები გრძელდება. აქციის მონაწილეები კვლავ მერიასთან შეიკრიბნენ და ქვეყანაში მიმდინარე ბოლო მოვლენები გააპროტესტეს.

აქციის მონაწილეებმა მერიასთან გალიაში ჩასმული ბიძინა ივანიშვილის ფიტული წარწერით: " რაც გინდათ, ის დაუძახეთ", მიიტანეს

როგორც შეკრებილები ამბობენ, არ შეეგუებიან „ქვეყნის საგარეო კურსის ცვლილებას და ქვეყნის გარუსებას“. ისინი, ასევე, გამოეხმაურნენ, ოპოზიციონერი პოლიტიკოსების დაკავებას და განაცხადეს, რომ ეს „ოპონენტების წინააღმდეგ მიმართული რეპრესიებია“.

მათ მსვლელობით ბაგრატის ტაძართან გადაინაცვლეს, მსვლელობა სხვა ქუჩაზე გაგრძელდება.

აქციის მონაწილეები აპროტესტებენ "ქართული ოცნების" გადაწყვეტილებას, საქართველომ ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დააყენოს.