გუშინ, რუსთაველის გამზირზე მიმდინარე საპროტესტო აქციაზე ტელეწამყვანი შოთა დიმიტრიშვილი ადმინისტრაციული წესით დააკავეს.

როგორც „ინტერპრესნიუსთან“ ადვოკატმა ჯუბა ქათამაძემ განაცხადა, დაკავებული ზაჰესის დროებითი მოთავსების იზოლატორში იმყოფება.

ადვოკატის თქმით, დაკავებული ტელეწამყვანი გზაში სცემეს.

„წინა რიგებში იდგა მშვიდობიანად და გაიყვანეს. უბრალოდ პოლიციელებს ელაპარაკებოდა, უცბად გამოვარდნენ რობოკოპები, წაიყვანეს, გზაში სცემეს -არაერთხელ დაარტყეს. წაართვეს ჩანთა, რომელშიც იყო ტელეფონი და შემდეგ აიყვანეს „ხარებასთან“, რომელიც დამცინავი მიმართვებით შეურაცხყოფებს აყენებდა. საავადმყოფოში არ სჭირდება გადაყვანა, მაგრამ ნაცემია“, - განაცხადა ჯუბა ქათამაძემ.