ზურაბ ჯაფარიძე - ჩემს კორპუსთან არის მოსული „პოლიცია“, ყოველგვარი წინაპირობის ან საბუთის გარეშე პერიმეტრზე არსებულ კამერებზე წვდომას ითხოვენ
„კოალიცია ცვლილებისთვის“ ერთ-ერთი ლიდერის, ზურაბ ჯაფარიძის განცხადებით, სამართალდამცველები მის საცხოვრებელ სახლთან იმყოფებიან.
მისივე თქმით, სამართალდამცველები პერიმეტრზე არსებული ვიდეო-კამერების ჩანაწერებზე წვდომას ითხოვენ.
„ამ წუთას, ჩემს კორპუსთან არის მოსული „პოლიცია“. ყოველგვარი წინაპირობის ან საბუთის გარეშე ითხოვენ პერიმეტრზე არსებულ კამერებზე წვდომას. (არ ვარ სახლში, მეზობლისგან გავიგე)“, - წერს ჯაფარიძე სოციალურ ქსელში.
