ევროკომისიის ხელმძღვანელის, ურსულა ფონ დერ ლაიენის განცხადებით, სირიაში ბაშარ ალ-ასადის რეჟიმის დაცემა ხსნის შესაძლებლობებს მთელს ახლო აღმოსავლეთის რეგიონში, მაგრამ რისკებსაც შეიცავს.

„ასადის სასტიკი დიქტატურა ჩამოიშალა. ეს ისტორიული ცვლილება რეგიონში იძლევა შესაძლებლობებს, მაგრამ რისკებსაც შეიცავს“, - წერს ევროკომისიის პრეზიდენტი X-ზე.

მისი თქმით, ევროპა მზადაა მხარი დაუჭიროს ეროვნული ერთიანობის დაცვას და სირიის სახელმწიფოს აღდგენას, სადაც უმცირესობების უფლებები დაცული იქნება.

„ვთანამშრომლობთ ევროპულ და რეგიონულ ლიდერებთან და ვაკვირდებით მოვლენებს“, - აცხადებს ურსულა ფონ დერ ლაიენი.