თუ უკრაინა დაეცემა, მაშინ პუტინი სირიაში, აფრიკასა და ბევრ სხვა რეგიონში დაბრუნდება, - ამის შესახებ უკრაინის პრეზიდენტმა, ვოლოდიმირ ზელენსკიმ ესტონეთის პრემიერ-მინისტრთან, კრისტენ მიხალთან შეხვედრის დაწყებამდე განაცხადა.

„ვხედავთ, რომ ასადის რეჟიმი დაეცა. რატომ? იმიტომ, რომ იქ საკმარისი რაოდენობის რუსი ჯარისკაცები არ არიან. რატომ? იმიტომ, რომ მთელი რუსეთის არმია ახლა უკრაინის ტერიტორიაზეა. ეს ნათლად აჩვენებს, რომ ფსევდოიმპერიის მთელი არმია ახლა ომს უკრაინელი ხალხის წინააღმდეგ აწარმოებს“, - განაცხადა ვოლოდიმირ ზელენსკიმ.

მისივე თქმით, ახლა უკრაინაში თითქმის 800 000 რუსი ჯარისკაცი იმყოფება.

უკრაინის პრეზიდენტის განცხადებით, „თუ უკრაინა დაეცემა, მაშინ პუტინი სირიაში შურისძიების მიზნით დაბრუნდება, ასევე, აფრიკასა და ბევრ სხვა რეგიონში დაბრუნდება“.