რუსთაველის გამზირზე საპროტესტო აქცია დასრულდა. პარლამენტის შენობის წინ პროტესტის მონაწილეების მცირე ნაწილი კვლავ იმყოფება.

ამასთან, რუსთაველის გამზირსა და მიმდებარე ქუჩებზე რჩებიან პოლიციის ეკიპაჟები.

აქციის მონაწილეები “ქართული ოცნების“ 28 ნოემბრის გადაწყვეტილებას აპროტესტებენ, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს. მათი მოთხოვნა უცვლელია - დაინიშნოს ხელახალი არჩევნები და გათავისუფლდნენ პროტესტის დროს დაკავებული მოქალაქეები. შეგახსენებთ, რომ თბილისსა და ქვეყნის რამდენიმე ქალაქში საპროტესტო გამოსვლები უკვე მეთერთმეტე დღეა მიმდინარეობს.