სამხრეთ კორეის თავდაცვის ყოფილმა მინისტრმა წინასწარი დაკავების იზოლატორში თვითმკვლელობა სცადა, - ამის შესახებ ინფორმაციას სააგენტო Reuters-ი ადგილობრივ მედიაზე დაყრდნობით ავრცელებს.

სამხრეთ კორეის თავდაცვის ყოფილი მინისტრი, კიმ იონგ-ჰიონი 8 დეკემბერს დააკავეს და მას ბრალად ქვეყნის პრეზიდენტის, იუნ სუკ იოლის მიერ საგანგებო მდგომარეობის გამოცხადებაში მონაწილეობა ედება.

ადგილობრივი მედიის ცნობით, მისი მდგომარეობა სტაბილურია.

კიმ იონგ-ჰიონი პირველი ოფიციალური პირია, რომელიც სამხრეთ კორეის პრეზიდენტის მიერ საგანგებო მდგომარეობის გამოცხადების საქმეზე მიმდინარე გამოძიების ფარგლებში დააკავეს.