რუსეთის მიერ ზაპოროჟიეზე განხორციელებული იერიშის შედეგად დაღუპულთა რაოდენობა 7-მდე გაიზარდა, - ამის შესახებ ინფორმაციას უკრაინული მედია ზაპოროჟიეს სამხედრო ადმინისტრაციის ხელმძღვანელზე, ივან ფედოროვზე დაყრდნობით ავრცელებს.

ივან ფედოროვის ცნობით, 11 დეკემბრის დილის მდგომარეობით, დაღუპულთა რაოდენობა 7-მდე, ხოლო დაშავებულთა რაოდენობა 22-მდე გაიზარდა. ასევე, ნანგრევების ქვეშ შესაძლოა, 5 ადამიანი იყოს.

ცნობისთვის, რუსულმა ძალებმა ზაპოროჟიეს გუშინ საღამოს დაარტყეს, რის შედეგადაც კერძო კლინიკა და 20-მდე საცხოვრებელი სახლი დაზიანდა.