ანა ნაცვლიშვილი - საფრანგეთის პრეზიდენტმა დაურეკა ივანიშვილს და გასაგები გახადა ყველაფერი - აღიარებულია, რომ საქართველოს მართავს არაფორმალური მმართველი, რომელსაც რაიმე კონსტიტუციური სტატუსიც კი არ აქვს

აღიარებულია, რომ საქართველოს მართავს არაფორმალური მმართველი, რომელსაც რაიმე კონსტიტუციური სტატუსიც კი არ აქვს. მას გადასცეს, რომ მისი არაფორმალური მმართველობა ქართველი ხალხის ინტერესებს და საქართველოს დემოკრატიულ მისწრაფებებს ეწინააღმდეგება, - ასე ეხმაურება კოალიცია „ძლიერი საქართველოს“ წევრი ანა ნაცვლიშვილი საფრანგეთის პრეზიდენტ მაკრონისა და „ქარული ოცნების“ საპატიო თავმჯდომარის, ბიძინა ივანიშვილის სატელეფონო საუბარს.

ნაცვლიშვილი სოციალური ქსელით გავრცელებულ განცხადებაში წერს, რომ ბიძინა ივანიშვილიც კი არ აღიარებს ირაკლი კობახიძესა და შალვა პაპუაშვილს.

“საფრანგეთის პრეზიდენტმა დღეს დაურეკა ივანიშვილს და გასაგები გახადა ყველაფერი:

დემოკრატიული სამყარო არ აღიარებს და არ ესაუბრება თვითმარქვია კობახიძეს და არალეგიტიმურ მთავრობას.

დემოკრატიული სამყარო არ აღიარებს და არ ესაუბრება თვითმარქვია პაპუაშვილს და არალეგიტიმურ პარლამენტს.

აღიარებულია, რომ საქართველოს მართავს არაფორმალური მმართველი, რომელსაც რაიმე კონსტიტუციური სტატუსიც კი არ აქვს. მას გადასცეს, რომ მისი არაფორმალური მმართველობა ქართველი ხალხის ინტერესებს და საქართველოს დემოკრატიულ მისწრაფებებს ეწინააღმდეგება.

ყველამ იცის, როგორ მიიტაცა მან სახელმწიფო და რა მოხდა 26 ოქტომბერს.

არავინ აპირებს ქართველი ხალხის მიტოვებას გასაჭირში, მთავარია, ჩვენ ვიყოთ მხნედ და ერთად!

პ. ს. სამართლებრივ სახელმწიფოში, ნებისმიერი პირი, რომელსაც ოფიციალური კონსტიტუციური სტატუსი არ აქვს, ვერ და არ შევიდოდა ასეთ საუბარში და იტყოდა, სამართლებრივ სახელმწიფოში ვართ, მე არ ვიღებ გადაწყვეტილებებს, გთხოვთ, ოფიციალურ უწყებებს, პრემიერს, პარლამენტს ესაუბრეთ-ო. მაგრამ ასე არ მოხდა, იმიტომ რომ ოლიგარქიული მიტაცებული სახელმწიფო ვართ ჯერ-ჯერობით.

ბიძინაც კი არ აღიარებს კობახიძე-პაპუაშვილებს, ე.ი. რაც გინდათ ის დაუძახეთ”, - წერს ნაცვლიშვილი.

რამაზ საყვარელიძე - თუ დღევანდელი ოპოზიცია არჩევნებში მონაწილეობას არ მიიღებს, გადაინაცვლებს სამზარეულოში, ქუჩაშიც კი მას მხარდამჭერი აღარ ეყოლება, რისი ტენდენციაც უკვე ჩანს
ავთანდილ წულაძე - ტრამპის პოლიტიკა ყველა მიმართულებით ჩიხშია შესული
ქართული პრესის მიმოხილვა 12.06.2025
„ხალიკ ბანკის“ მხარდაჭერით, ფოთის მულტიმოდალური ტერმინალი გაიხსნა
„სოფლის ნობათი“ - რძის გზა ფერმიდან მომხმარებლამდე და ხარისხზე დაფუძნებული ნდობის მოდელი
„აღმოაჩინე, დაზოგე, იზეიმე - კარფურის ლოიალობის პროგრამა „მაიქლაბი“ 6 წლისაა
„სტუდია 9“-ის მიერ დაპროექტებული „აგროჰაბის მულტიფუნქციური სივრცე სანაპიროზე“ Architizer A+Awards 2025-ის გამარჯვებულია
მონტაჟ ჯორჯიას ახალი საწყობი ავჭალაში - საბითუმო ფასები, 30 000-მდე დასახელების ელექტრო-სამონტაჟო პროდუქცია ერთ სივრცეში