ცესკოს თავმჯდომარე - საქართველოს პრეზიდენტად არჩეულია მიხეილ ყაველაშვილი - გილოცავთ, ბატონო მიხეილ და გისურვებთ წარმატებას ჩვენი ქვეყნის საკეთილდღეოდ

წარმოდგენილი შედეგების მიხედვით, საქართველოს პრეზიდენტად არჩეულია მიხეილ ყაველაშვილი. გილოცავთ, ბატონო მიხეილ და გისურვებთ წარმატებას ჩვენი ქვეყნის საკეთილდღეოდ, - ამის შესახებ ცესკო-ს თავმჯდომარემ, გიორგი კალანდარიშვილმა პარლამენტში განაცხადა.

კალანდარიშვილის თქმით, კოლეგიის 300 წევრიდან ხმა ყაველაშვილს 224-მა წევრმა მისცა.

„გაიმართა ცესკო-ს სხდომა, სადაც განიხილებოდა ხმების დათვლის, შედეგების დადგენისა და შემაჯამებელი ოქმის შედგენის საკითხი, სადაც შედგა საქართველოს პრეზიდენტის მორიგი არჩევნების შემაჯამებელი ოქმი. საერთო ჯამში, საარჩევნო კოლეგია შედგებოდა 300 წევრისგან, არჩევნებში მონაწილეობა მიიღო კოლეგიის 225-მა წევრმა, საიდანაც ბათილი არის 1 ბიულეტენი, 224 ხმა კი, მიეკუთვნა პრეზიდენტობის კანდიდატს, მიხეილ ყაველაშვილს. შესაბამისად, წარმოდგენილი შედეგების მიხედვით საქართველოს პრეზიდენტად არჩეულია მიხეილ ყაველაშვილი. გილოცავთ, ბატონო მიხეილ და გისურვებთ წარმატებას ჩვენი ქვეყნის საკეთილდღეოდ.

ამით, ჩემო ძვირფასებო, საარჩევნო პროცესი დასრულებულია ერთი პროცედურის გამოკლებით, რომლის გათვალისწინებითაც შედგა სამი შემაჯამებელი ოქმი, საიდანაც ერთი გადაეცემა საქართველოს პარლამენტის თავმჯდომარეს, ერთი გაიგზავნება საქართველოს პრეზიდენტის ადმინისტრაციაში, ხოლო ერთი კი, კანონით გათვალისწინებული წესით შეინახება საქართველოს ცენტრალურ საარჩევნო კომისიაში. თქვენის ნებართვით, შემაჯამებელ ოქმს გადავცემ პარლამენტის თავმჯდომარეს, შალვა პაპუაშვილს. ამით საარჩევნო პროცესი დასრულებულია“, - განაცხადა კალანდარიშვილმა

რამაზ საყვარელიძე - ყველაფერს აჯობებს, ოპოზიციამ თავი რომ დაანებოს უბორბლებო, ანუ უშედეგო ველოსიპედის გამოგონებას
ქართული პრესის მიმოხილვა 24.04.2025
„მაკდონალდს საქართველოს“ თბილისში, რიგით 26-ე ახალი რესტორანი შეემატა
საჩუქარი ლოქერის მომხმარებლებს - ინოვაციური ტექნოლოგიები, კომფორტული მომსახურება და ყოველთვის სარგებლიანი შეთავაზებები PSP-სგან
24 აპრილს Touch Plarform-ის ორგანიზებით თბილისში რიგით მეორე საერთაშორისო ციფრული დიზაინ ფესტივალი Touch RGB გაიმართება
„არდი დაზღვევის“ გენერალური დირექტორი - „არდის“ და Liv Hospital Group-ის სტრატეგიული პარტნიორობა მნიშვნელოვანი ნაბიჯია საქართველოს ჯანმრთელობის დაზღვევის სექტორის განვითარებისთვის