მშვიდობა და სამართლიანობა რომ იყოს, საჭიროა ახალი არჩევნები, - ამის შესახებ საქართველოს პრეზიდენტმა სალომე ზურაბიშვილმა რუსთაველის გამზირზე მიმდინარე აქციაზე განაცხადა, სადაც ცოტა ხნის წინ მივიდა.

„არ გინდათ კითხვები, არ გვინდა, არც - „სალომე, სალომე“, არც „მადლობა, მადლობა“. აქ ვართ ყველანი ერთი რამის გამო. ერთი, თუ არ იქნება ამ ქვეყანაში სამართლიანობა, არ იქნება მშვიდობა, რომელიც ყველას უნდა. მშვიდობა და სამართლიანობა, რომ იყოს, საჭიროა ახალი არჩევნები. ამისთვის ვართ აქ, მშვიდად, წყნარად და არეულობის გარეშე. ქალბატონი ნათელა მაჭავარიანი მეორე მოთხოვნას თამარა მაჭავარიანი გააჟღერებს“, - განაცხადა ზურაბიშვილმა.

რაც შეეხება მაჭავარიანს, მან აქციაზე დაკავებულ და დაშავებულ ადამიანებზე ისაუბრა.

„მე, როგორც გეგა კობახიძის დედა, მაწუხებს ის დაპატიმრებული, ნაცემი და ნაწვალები ბავშვები. მე რაც გადავიტანე, არ მინდა რომელიმე დედამ გადაიტანოს, მაგრად და კარგად იყავით, თქვენთან ერთად ვართ“, - განაცხადა მაჭავარიანმა.