კინემატოგრაფისტები და კინომოყვარულები საპროტესტო მარშს მართავენ.

ხელოვანებმა მსვლელობა კინოთეატრ „აპოლოდან“ დაიწყეს.

მათ ხელში უჭირავთ ბანერი: „საქართველო ცოცხალი და დამოუკიდებელია“.

მსახიობები სოლიდარობას უცხადებენ დაკავებულ კოლეგებს, ანდრო ჭიჭინაძესა და ონისე ცხადაძეს და მოითხოვენ, რომ დაინიშნოს ხელახალი არჩევნები.

როგორც მარშის მონაწილეები აცხადებენ, ხელისუფლება ხელოვანების დაშინებას ცდილობს.

საპროტესტო მარში რუსთაველის გამზირზე, პარლამენტის წინ დასრულდება.

ცნობისთვის, მთელი ქვეყნის მასშტაბით საპროტესტო აქციები და მსვლელობები მე-19 დღეა მიმდინარეობს. მოქალაქეები აპროტესტებენ ხელისუფლების გადაწყვეტილებას, 2028 წლამდე დღის წესრიგში არ დადგეს ევროკავშირთან მოლაპარაკების საკითხი.