ბრიტანეთის თავდაცვის მინისტრის მოადგილე - „დრონების კოალიცია“ უკრაინას იანვრიდან სხვადასხვა ტიპის ათიათასობით დრონს მიაწვდის
"დრონების კოალიციის" და "საზღვაო კოალიციის" ქვეყნები "რამშტაინის" ფორმატის ფარგლებში იანვრიდან უკრაინისთვის დიდი რაოდენობით სხვადასხვა ტიპის დრონების მიწოდებას დაიწყებენ, - უკრაინული მედიის ცნობით, ამის შესახებ გაერთიანებული სამეფოს თავდაცვის მინისტრის მოადგილემ, ლუკ პოლარდმა განაცხადა.
მისი თქმით, საუბარია ათიათასობით დრონზე.
”შემიძლია დავადასტურო, რომ მნიშვნელოვანი ცვლილებაა მოსალოდნელი იანვარში - ჩვენ დავიწყებთ ათიათასობით დრონის მიწოდებას „საზღვაო“ და „დრონების“ კოალიციების მეშვეობით, რომლებსაც ხელმძღვანელობს გაერთიანებული სამეფო პარტნიორებთან -ნორვეგიასთან და ლატვიასთან ერთად”, - განაცხადა პოლარდმა.
მინისტრის მოადგილემ აღნიშნულ საკითხთან დაკავშირებით დამატებით დეტალებზე არ ისაუბრა.
