თბილისის მერიასთან მიმდინარე აქციის მონაწილეები მსვლელობით საზოგადოებრივი მაუწყებლისკენ მიემართებიან.

მსვლელობის მონაწილეები სკანდირებენ: “სოლიდარობა საჯარო მოხელეებს, არა პოლიტიკურ წმენდას”.

როგორც ისინი აცხადებენ, თბილისის მერიიდან და სხვადასხვა საჯარო სამსახურებიდან მოქალაქეებს პოლიტიკური ნიშნით ათავისუფლებენ და ევროინტერაციის მხარდამჭერი საჯარო განცხადებების გამო მიმდინარეობს მათ მიმართ ფსიქოლოგიური ზეწოლა და მუქარა.

მსვლეობაში მონაწილეობას იღებენ საჯარო სექტორში დასაქმებულები, პროფკავშირების წარმომადგენლები, სამოქალაქო აქტივისტები და მხარდამჭერი მოქალაქეები.