აქციის მონაწილეებს პარლამენტთან „წითელი ბარათები“ აქვთ მიტანილი
საკანონმდებლო ორგანოსთან აქციის მონაწილეებს წითელი ფურცლები აქვთ გაშლილი, რაც მათივე თქმით, “წითელ ბარათს” გამოხატავს ხელისუფლებისადმი.
როგორც აქციის მონაწილეები აცხადებენ, ისინი „არალეგიტიმურ მთავრობას“ აპროტესტებენ და სკანდირებენ: “მონებო!”, “რუსებო!”.
ასევე, ისინი პროტესტის ნიშნად პარლამენტის შენობასთან განთავსებულ რკინის ჯებირზე აბრახუნებენ.
ჭიჭინაძისა და ჩიტაძის ქუჩაზე საპოლიციო კორდონია მოწყობილი, მათ პარალელურად კი აქციის მონაწილეები დგანან.
ცნობისთვის, მოქალაქეების ნაწილმა ორბელიანების სასახლიდან პარლამენტის შენობისკენ გადაინაცვლა. ამ წუთებში რუსთაველის გამზირზე გზა გადაკეტილია.
