კანადაში 51-ე შტატად ყოფნა ბევრ ადამიანს უყვარს, - ასე ეხმაურება აშშ-ის არჩეული პრეზიდენტი, დონალდ ტრამპი კანადის პრემიერ-მინისტრის, ჯასტინ ტრუდოს გადადგომას.

„აშშ უზარმაზარი სავაჭრო დეფიციტებისგან და სუბსიდიებისგან, რომელიც კანადას თავის გატანისთვის სჭირდება, ვეღარ დაზარალდება. ჯასტინ ტრუდომ ეს იცოდა და ამიტომ გადადგა. თუ კანადა აშშ-სთან გაერთიანდება ტარიფები არ იქნება, გადასახადები მნიშვნელოვნად შემცირდება, ისინი დაცულები იქნებიან რუსული და ჩინური გემების საფრთხისგან, რომლებიც მუდმივად გარს ეხვევიან. ერთად, რა დიდებული ქვეყანა იქნებოდა!“, - წერს დონალდ ტრამპი სოციალურ პლატფორმა Truth Social-ზე.

შეგახსნებთ, დღეს, კანადის პრემიერ-მინისტრმა, ჯასტინ ტრუდომ თანამდებობის დატოვების შესახებ გამოაცხადა. ჯასტინ ტრუდო თანამდებობაზე მმართველი „ლიბერალური პარტიის“ ახალი ლიდერის არჩევამდე დარჩება.