მიწისძვრით დაზარალებულების გადასარჩენად ყველაფერი უნდა გაკეთდეს, - ამის შესახებ ჩინეთის პრეზიდენტმა, სი ძინპინმა ტიბეტში მომხდარი ძლიერი მიწისძვრის შემდეგ განაცხადა.

ჩინეთის პრეზიდენტმა, სი ძინპინმა ევაკუირებული ადამიანებისა და დაშავებულებისთვის სათანადო პირობების უზრუნველყოფის ბრძანება გასცა.

„ადამიანების სიცოცხლის გადარჩენის, დაშავებულებისთვის სამედიცინო დახმარების გაწევისა და მსხვერპლის თავიდან აცილების მიზნით ყველაფერი უნდა გაკეთდეს“, - განაცხადა სი ძინპინმა.

სააგენტო Reuters-ის ინფორმაციით, ტიბეტის მთიან რეგიონში მომხდარი 6.8 მაგნიტუდის სიმძლავრის მიწისძვრის შედეგად დაღუპულთა რაოდენობა 95-ს აღწევს, ხოლო დაშავებულთა რაოდენობა 130-ს.

მიწისძვრა დღეს დილით, ადგილობრივი დროით 9:05 საათზე მოხდა, რომლის ეპიცენტრი ტინგრის ოლქი იყო.

აშშ-ის გეოლოგიური სამსახურის მონაცემებით, მიწისძვრის სიმძლავრე 7.1 მაგნიტუდა იყო.