შავი ზღვის საერთაშორისო უნივერსიტეტის გრაფიკული დიზაინის ინგლისურენოვანმა საბაკალავრო პროგრამამ განათლების ხარისხის ეროვნული ცენტრის სრული აკრედიტაცია მიიღო. აღნიშნულის შესახებ ინფორმაციას შავი ზღვის საერთაშორისო უნივერსიტეტი ავრცელებს.

მათივე ცნობით, კომპიუტერული მეცნიერებისა და არქიტექტურის სკოლის სამწლიანი პროგრამა მიზნად ისახავს სტუდენტს განუვითაროს რთული გრაფიკული ამოცანების შემოქმედებითად, ფუნქციურად და კომპოზიციურად ამოხსნის უნარი.

„ასევე, საგანმანათლებლო პროგრამის მიზანია სტუდენტს განუვითაროს ტექნიკური და პროფესიული უნარები, რათა შეძლოს მიღებული ცოდნის წარმატებით გამოყენება თანამედროვე გრაფიკული დიზაინის მოთხოვნების შესაბამისად.

გრაფიკული დიზაინის პროგრამაზე პირველკურსელებს შავი ზღვის საერთაშორისო უნივერსიტეტი 2025 წლის სექტემბერში მიიღებს”, - აღნიშნულია ინფორმაციაში.