ბელარუსის ცესკო - საპრეზიდენტო არჩევნებში ალექსანდრე ლუკაშენკო ხმების 86,82%-ით ლიდერობს

ბელარუსის საპრეზიდენტო არჩევნებში ალექსანდრე ლუკაშენკო ლიდერობს, - ბელარუსული მედიის ცნობით, ამის შესახებ ცესკო-ს თავმჯდომარემ, იგორ კარპენკომ ბრიფინგზე განაცხადა.

კარპენკოს ინფორმაციით, რეგიონული და მინსკის საქალაქო კომისიების წინასწარი მონაცემებით, ლუკაშენკოს ხმა ამომრჩეველთა 86,82%-მა მისცა.

რაც შეეხება სხვა კანდიდატებს, ოლეგ გაიდუკევიჩმა ხმების 2,02%-ი მიიღო, ანა კანოპაცკაიამ - 1,86%-ი, სერგეი სირანკოვმა - 1,74%-ი, ყველას წინააღმდეგ ხმა ამომრჩეველთა 3,60%-მა მისცა.

ბელარუსის ცენტრალური საარჩევნო კომისიის მონაცემებით, საპრეზიდენტო არჩევნებში ამომრჩევლების აქტივობამ 85,70 %-ი შეადგინა. ამასთან, 21-25 იანვარს გამართულ ვადამდელ კენჭისყრაში აქტივობამ 41,81 %-ი შეადგინა.