რუსეთის თავდაცვის სამინისტროს ცნობით, მათმა საჰაერო თავდაცვის სისტემებმა წუხელ 32 უკრაინული უპილოტო საფრენი აპარატი გაანადგურეს, - ინფორმაციას რუსული მედია ავრცელებს.

უწყების ცნობით, დრონები რუსეთის 5 რეგიონში ჩამოაგდეს.

„გასული ღამის განმავლობაში საჰაერო თავდაცვის სისტემებმა გაანადგურეს 32 უკრაინული უპილოტო საფრენი აპარატი: 15 ვორონეჟის რეგიონის ტერიტორიაზე, 11- ბელგოროდის რეგიონის ტერიტორიაზე, 4 - კურსკის ოლქში, თითო-თითო ორიოლისა და ტვერის რეგიონების ტერიტორიებზე“, - აღნიშნულია რუსეთის თავდაცვის სამინისტროს ინფორმაციაში.