ჩრდილოეთ კორეასთან ურთიერთობა გვექნება, - ამის შესახებ აშშ-ის პრეზიდენტმა, დონალდ ტრამპმა იაპონიის პრემიერ-მინისტრთან, შიგერუ იშიბასთან ერთად გამართულ პრესკონფერენციაზე განაცხადა.

„ჩვენ ჩრდილოეთ კორეასთან ურთიერთობა გვექნება, კიმ ჩენ ინთან. ჩვენ ერთმანეთს კარგად ვუგებთ“, - განაცხადა დონალდ ტრამპმა.

მისი თქმით, „ეს იდეა იაპონიას მოსწონს, რადგან მათ კარგი ურთიერთობა არ აქვთ“.

იაპონიის პრემიერ-მინისტრმა, შიგერუ იშიბამ აღნიშნა, რომ „ჩრდილოეთ კორეის სრული დენუკლეარიზაციისთვის იაპონია და აშშ ერთად იმუშავებენ“.