სალომე ზურაბიშვილი - შევხვდი ალარ კარისს, რათა განმეხილა რუსეთის ჰიბრიდული ჩარევა საქართველოში - ხაზი გავუსვი ახალი, თავისუფალი და სამართლიანი არჩევნების გადაუდებელ საჭიროებას
საქართველოს მეხუთე პრეზიდენტი, სალომე ზურაბიშვილი მიუნხენის უსაფრთხოების კონფერენციის ფარგლებში ესტონეთის პრეზიდენტს, ალარ კარისს შეხვდა.
შეხვედრის შესახებ ინფორმაციას სალომე ზურაბიშვილი სოციალურ პლატფორმა X-ზე ავრცელებს.
„შევხვდი ესტონეთის პრეზიდენტს, ალარ კარისს, რათა განმეხილა რუსეთის ჰიბრიდული ჩარევა საქართველოში, რომლის სამიზნე ჩვენი არჩევნები და დემოკრატიაა. ხაზი გავუსვი ახალი, თავისუფალი და სამართლიანი არჩევნების გადაუდებელ საჭიროებას“, - წერს სალომე ზურაბიშვილი.
