ურსულა ფონ დერ ლაიენი ემანუელ მაკრონს და კირ სტარმერს ესაუბრა
ევროკომისიის პრეზიდენტის ურსულა ფონ დერ ლაიენის განცხადებით, ის საფრანგეთის პრეზიდენტ ემანუელ მაკრონსა და დიდი ბრიტანეთის პრემიერ-მინისტრს კირ სტარმერს ესაუბრა.
ევროპელი ლიდერები უკრაინას „ურყევ“ მხარდაჭერას უცხადებენ.
„ჩვენ განვიხილეთ უკრაინის მიმართ ჩვენი ურყევი მხარდაჭერა ფინანსური და სამხედრო თვალსაზრისით. გავუზიარეთ ერთმანეთს სიახლეები ჩვენი კონტაქტების შესახებ აშშ-ს პარტნიორებთან და განვიხილეთ კონტინენტის თავდაცვისა და უსაფრთხოების გეგმები”, - დაწერა ურსულა ფორ დენ ლაიენმა X-ზე.
უკრაინის პრეზიდენტის, ვოლოდიმირ ზელენსკის განცხადებით, ორშაბათს, 24 თებერვალს კიევში 13 ქვეყნის ლიდერებს ელოდებიან.
