შვედეთის მთავრობაში განაცხადეს, რომ უკრაინას 1,2 მილიარდი კრონის (თითქმის 113 მილიონი აშშ დოლარი) ღირებულების საჰაერო თავდაცვის სისტემებს გადასცემენ.

უკრაინული მედიის ცნობით, ამის შესახებ შვედეთის პრემიერ-მინისტრი ულფ კრისტერსონი, ვიცე-პრემიერი, ენერგეტიკის, ბიზნესისა და მრეწველობის მინისტრი ება ბუში და განათლების მინისტრი იოჰან პერსონი გამოცემა Svenska Dagbladet-ში გამოქვეყნებულ სტატიაში საუბრობენ.

მათივე განცხადებით, სტოკჰოლმი კიევს Robot 70-ის და Tridon Mk2-ის სისტემებს გადასცემს.

„უკრაინის მხარდაჭერით ჩვენ ვაძლიერებთ საკუთარ უსაფრთხოებას“, - აცხადებენ შვედი მაღალჩინოსნები.