ევროპელი ლიდერები აშშ-ში ვიზიტის შესახებ ემანუელ მაკრონის მოხსენებას მოისმენენ, - ამის შესახებ ინფორმაციას Politico ევროპული საბჭოს პრეზიდენტზე, ანტონიო კოსტაზე დაყრდნობით ავრცელებს.

„6 მარტს დაგეგმილი ევროპული საბჭოს საგანგებო სამიტისთვის მოსამზადებლად, ხვალ დილით საბჭოს წევრების ვიდეოკონფერენციას ვაწყობ, რათა ვაშინგტონში მისი ვიზიტის შესახებ პრეზიდენტ ემანუელ მაკრონის მოხსენება მოვისმინოთ“, - წერს ანტონიო კოსტა X-ზე.

შეგახსენებთ, საფრანგეთის პრეზიდენტი, ემანუელ მაკრონი აშშ-ის პრეზიდენტს, დონალდ ტრამპს გუშინ თეთრ სახლში შეხვდა, სადაც მხარეებმა უკრაინაში ომის დასრულებისა და აშშ-ევროპის ურთიერთობის საკითხები განიხილეს.