რუსულმა ძალებმა კიევის ოლქს დრონებით დაარტყეს, არის მსხვერპლი, - ამის შესახებ ინფორმაციას სააგენტო Reuters-ი კიევის საოლქო-სამხედრო ადმინისტრაციის ხელმძღვანელის მოვალეობის შემსრულებელზე, მიკოლა კალაშნიკზე დაყრდნობით ავრცელებს.

„კიევის ოლქზე მტრის მიერ დრონებით თავდასხმის შედეგად ერთი ადამიანი დაიღუპა. გარდაცვლილის ცხედარი ბუჩას რაიონში მდებარე კერძო სახლში, ხანძრის ლიკვიდაციისას აღმოაჩინეს“, - წერს მიკოლა კალაშნიკი „ტელეგრამის“ არხზე.

კალაშნიკის ცნობით, რუსული ძალების თავდასხმის შედეგად, სულ მცირე, 4 ადამიანი დაშავდა.

ასევე, რუსების იერიშის შედეგად, კიევის ოლქში 5 კერძო სახლი, 4 საცხოვრებელი კორპუსი დაზიანდა და რამდენიმე ავტომობილი განადგურდა.