28 თებერვალს, პარლამენტში, დისკუსია 2008 წლის რუსეთ-საქართველოს ომის წინა პერიოდის შესახებ გაერო-ს გენერალური მდივნის მოხსენებების და გაერო-ს უშიშროების საბჭოს რეზოლუციების თაობაზე გაიმართება.

აღნიშნულ თემაზე პარლამენტის ტერიტორიული მთლიანობის აღდგენის და დეოკუპაციის საკითხებთან დაკავშირებული დროებითი კომისიის სხდომაზე იმსჯელებენ.

საპარლამენტო კომისიის სხდომის დღის წესრიგში ასახულია შემდეგი საკითხი: - 2008 წლის აგვისტოს ომის წინა პერიოდის შესახებ გაერო-ს გენერალური მდივნის მოხსენებები და გაერო-ს უშიშროების საბჭოს რეზოლუციების ანალიზი.

საპარლამენტო კომისიის სხდომა, 28 თებერვალს, 15:00 საათზე დაიწყება.