გავაგრძელებთ უკრაინისთვის იარაღის გაგზავნას, მაგრამ იმედია დიდხანს აღარ, - ამის შესახებ აშშ-ის პრეზიდენტმა, დონალდ ტრამპმა უკრაინელ კოლეგა, ვოლოდიმირ ზელენსკისთან ერთად თეთრ სახლში ჟურნალისტებთან საუბარში განაცხადა.

კერძოდ, ჟურნალისტმა ტრამპს ჰკითხა აპირებს თუ არა ის უკრაინისთვის შეიარაღების მიწოდების გაგრძელებას იმ შემთხვევაში თუ მშვიდობა ვერ იქნება მიღწეული.

„არ მოველით ბევრი იარაღის გაგზავნას, მოველით ომის დასრულებას. პასუხია კი. მაგრამ იმედია არ მოგვიწევს ბევრის გაგზავნა, ვინაიდან [მშვიდობის] მალე მიღწევას მოველი”, - განაცხადა ტრამპმა.

თავის მხრივ, ზელენსკიმ ტრამპს უთხრა, რომ პუტინთან „კომპრომისები არ უნდა იყოს“ სამშვიდობო შეთანხმებაზე მოლაპარაკებების დროს. უკრაინის პრეზიდენტმა ტრამპს უკრაინელი სამხედროების ფოტოსურათები აჩვენა რუსეთის ტყვეობამდე და ტყვეობის შემდეგ და სახელებით ჩამოთვალა ისინი.

ზელენსკიმ ასევე განაცხადა, რომ „ვფიქრობ, პრეზიდენტი ტრამპი ჩვენს მხარესაა“.