პარლამენტის წინ საპროტესტო აქცია გრძელდება - ამ დროისთვის რუსთაველის გამზირი გადაკეტილია.

პარლამენტთან შეკრებილებს აქციის ის მონაწილეები შეუერთდნენ, რომლებმაც თავდაპირველად საზოგადოებრივ მაუწყებელთან გამართეს აქცია და შემდეგ მსვლელობით რუსთაველის გამზირზე გადაინაცვლეს.

მოქალაქეები პარლამენტთან უკვე სამ თვეზე მეტია პროტესტის ნიშნად ყოველდღიურად იკრიბებიან. მათი უცვლელი მოთხოვნაა: ახალი არჩევნების დანიშვნა და აქციების დროს დაკავებულების გათავისუფლება.