საქართველოს ახალგაზრდა იურისტთა ასოციაციის ინფორმაციით, დღეს, 15:00 საათზე, ბათუმის საქალაქო სასამართლოში “ბათუმელების” დამფუძნებლის მზია ამაღლობელის ადმინისტრაციული სამართალდარღვევის საქმეზე სხდომა გაიმართება.

საქართველოს ახალგაზრდა იურისტთა ასოციაციის ცნობით, პოლიცია მას ადმინისტრაციულ სამართალდარღვევათა კოდექსის 173-ე მუხლით გათვალისწინებული ქმედების ჩადენას ედავება, თუმცა, საქმეში არაა წარმოდგენილი შესაბამისი ფაქტების დამადასტურებელი მტკიცებულებები.

„მის წინააღმდეგ პოლიციას შედგენილი აქვს ყალბი ადმინისტრაციული დაკავების და სამართალდარღვევის ოქმები“, - აღნიშნულია საია-ს მიერ გავრცელებულ ინფორმაციაში.