პარლამენტთან საპროტესტო აქცია განახლდა. პროტესტის მონაწილეებმა რუსთაველის გამზირი გადაკეტეს.

მოგვიანებით, საკანონმდებლო ორგანოსთან შეკრებილ მოქალაქეებს მსვლელობით საზოგადოებრივ მაუწყებელთან შეკრებილი აქციის მონაწილეებიც შეუერთდნენ.

პროტესტის 102-ე დღესაც მომიტინგეების მოთხოვნა უცვლელია: დაინიშნოს ახალი არჩევნები და გათავისუფლდნენ აქციების პერიოდში დაკავებული პირები.

დემონსტრანტები სკანდირებენ: “არ იქნება სამართალი, არ იქნება მშვიდობა”, “საქართველოს გაუმარჯოს”, „ცეცხლი ოლიგარქიას“.

აქციის მონაწილეებს ადგილზე სხვადასხვა შინაარსის ბანერები და საქართველოსა და ევროკავშირის დროშები აქვთ მიტანილი.