აფხაზეთის ავტონომიური რესპუბლიკის განათლებისა და კულტურის მინისტრმა ბექა ღვაჩლიანმა აფხაზეთის ავტონომიური რესპუბლიკის განათლებისა და კულტურის სამინისტროს სამსახურის უფროსებთან მინისტრის რანგში, პირველი სამუშაო შეხვედრა გამართა. აღნიშნულ ინფორმაციას აფხაზეთის ავტონომიური რესპუბლიკის მთავრობის პრესსამსახური ავრცელებს.

მათივე ცნობით, შეხვედრაზე მინისტრმა თანამშრომლებს, სამინისტროს სტრატეგიული ხედვები გააცნო.

„ყურადღება გაამახვილა ინოვაციურ და მიზანმიმართულ მიდგომებზე, რომლებიც ითვალისწინებს თანამშრომლების პროფესიულ განვითარებას, სტრუქტურებს შორის კოორდინაციის გაძლიერებას, მიზნობრივი ინიციატივების განხორციელებას და შედეგებზე ორიენტირებულ სამუშაო პროცესს, რაც სამინისტროს განვითარების ახალ ეტაპზე გადასვლის ერთ-ერთ წინაპირობას წარმოადგენს“, - ნათქვამია ინფორმაციაში.