ვოლოდიმირ ზელენსკი დონეცკის ოლქში იმყოფებოდა, - ამის შესახებ ინფორმაციას უკრაინის პრეზიდენტი სოციალურ პლატფორმა X-ზე ავრცელებს.

უკრაინის პრეზიდენტმა, ვოლოდიმირ ზელენსკიმ „პოკროვსკის“ ტაქტიკური ჯგუფის სამეთაურო პუნქტი მოინახულა და Drone Line-ის მეთაურებს შეხვდა.

„მოხსენება მოვისმინე პოკროვსკის მიმართულების დაცვის, ოპერატიული ვითარებისა და მისიების მიმდინარეობის შესახებ. მადლობა ყველას, ვინც უკრაინას ეხმარება და მხარს უჭერს“, - წერს უკრაინის პრეზიდენტი.

ვოლოდიმირ ზელენსკიმ უკრაინის დამცველები სახელმწიფო ჯილდოებით დააჯილდოვა.