სენატმა ნატო-ში აშშ-ის ელჩის თანამდებობაზე მეთიუ უიტეკერი დაამტკიცა, - ამის შესახებ ინფორმაციას Politico ავრცელებს.

აშშ-ის სენატმა მეთიუ უიტეკერის კანდიდატურა 52 ხმით 45-ის წინააღმდეგ დაამტკიცა.

უიტეკერმა სენატში მისი კანდიდატურის დასამტკიცებელ მოსმენაზე განაცხადა, რომ ნატო-ს მიმართ აშშ-ის პრეზიდენტის, დონალდ ტრამპის ადმინისტრაციის ერთგულება მტკიცეა.

ცნობისთვის, დონალდ ტრამპის პირველი პრეზიდენტობის პერიოდში უიტეკერი 2018 წლის ნოემბრიდან 2019 წლის თებერვლამდე აშშ-ის გენერალური პროკურორის მოვალეობას ასრულებდა.