აშშ-ის პრეზიდენტის, დონალდ ტრამპის წარმომადგენელს, სტივ უიტკოფს მიმდინარე კვირას მოსკოვში ელიან. ამის შესახებ რუსეთის პრეზიდენტის თანაშემწემ, იური უშაკოვმა რუსულ “ინტერფაქსთან” საუბარში განაცხადა.

კერძოდ, კითხვაზე, ელიან თუ არა მიმდინარე კვირას იუტკოფის მოსკოვში ვიზიტს, უშაკოვმა უპასუხა: “ველით”.

ცნობისთვის, ჯამში უიტკოფი უკვე სამჯერ იყო რუსეთში. მისი მორიგი ვიზიტი 23 აპრილს ლონდონში დაგეგმილი შეხვედრის ფონზე განხორციელდება, რომელზეც აშშ, უკრაინა და მისი ევროპელი მოკავშირეები რუსეთ-უკრაინის ომში ცეცხლის შეწყვეტისთვის საჭირო ნაბიჯებს განიხილავენ.