„ფრანს-პრესი“ - პორტუგალიაში ელექტროენერგიის მიწოდება სრულად აღდგა
პორტუგალიაში ელექტროენერგიის მიწოდება სრულად აღდგა, - ამის შესახებ ინფორმაციას სააგენტო „ფრანს-პრესი“ ავრცელებს.
„ეროვნული გადამცემი ქსელის ყველა ქვესადგური აღდგენილია და ახლა შეგვიძლია დავადასტუროთ, რომ ქსელი სრულად სტაბილიზებულია“, - განაცხადა პორტუგალიის ელექტროქსელის ოპერატორმა REN-მა.
ასევე, „ფრანს-პრესის“ ცნობით, ელექტროენერგია ესპანეთის 99%-საც ნორმალურ რეჟიმში მიეწოდება.
შეგახსენებთ, ესპანეთსა და პორტუგალიაში გუშინ ელექტროენერგიის მასშტაბური გათიშვა მოხდა, რამაც ორივე ქვეყანაში მნიშვნელოვანი შეფერხებები გამოიწვია. პორტუგალიის ელექტროქსელის ოპერატორის REN-ის ცნობით, ქვეყანაში ელექტროენერგიის გათიშვა ესპანეთის ელექტროქსელში მომხდარმა გაუმართაობამ გამოიწვია, რაც შეიძლება „იშვიათ ატმოსფერულ ფენომენს“ უკავშირდებოდეს, თუმცა ესპანეთის პრემიერ-მინისტრმა, პედრო სანჩესმა განაცხადა, რომ ზუსტი მიზეზი ჯერჯერობით უცნობია. ელექტროენერგიის მიწოდების შეწყვეტის გამო, ესპანეთში საგანგებო მდგომარეობა გამოცხადდა.
v-if="article.gallery" v-html="article.gallery"
