GCCA-ის თავმჯდომარის მოადგილე ლევან კალანდაძე რუმინეთში კონფერენციაზე მოხსენებით გამოვიდა
რუმინეთში, ქალაქ ბუქარესტში, საქართველოს კონკურენციისა და მომხმარებლის დაცვის სააგენტოს (GCCA) თავმჯდომარის მოადგილე, ლევან კალანდაძე კონკურენციის კონფერენციაზე მოხსენებით გამოვიდა.
როგორც სააგენტოს მიერ გავრცელებულ ინფორმაციაშია ნათქვამი, ლევან კალანდაძემ სიტყვით გამოსვლისას დეტალურად ისაუბრა საქართველოში კონკურენციის პოლიტიკის მიმართულებით განხორციელებულ რეფორმებზე, 2024 წელს მიღებულ შედეგებზე, მიღწევებზე და არსებულ გამოწვევებზე.
„საერთაშორისო ღონისძიება ყოველწლიურად იმართება, რომელშიც მონაწილეობენ: კონკურენციის უწყებების ხელმძღვანელი პირები, კონკურენციის სფეროს ექსპერტები, ბიზნესსექტორის წარმომადგენლები და სხვა დაინტერესებული მხარეები. კონფერენციაზე მონაწილეები მიმოიხილავენ: კონკურენციის თანამედროვე ტენდენციებს, საერთაშორისო, საუკეთესო პრაქტიკას, მიდგომებს და მეზობელ ქვეყნებთან თანამშრომლობის პერსპექტივებს.
კონფერენციაში მონაწილეობენ: ბოგდან ჩირიტოუ, რუმინეთის კონკურენციის საბჭოს პრეზიდენტ; ალექსეი გერთეშუ, მოლდავეთის რესპუბლიკის კონკურენციის საბჭოს პრეზიდენტი და სხვები”,- ნათქვამია ინფორმაციაში.
v-if="article.gallery" v-html="article.gallery"
