გერმანიის ახალი საგარეო მინისტრი, იოჰან ვადეფული უკრაინაში ჩავიდა, - ინფორმაციას უკრაინული მედია ავრცელებს.

მათივე ინფორმაციით, ვადეფული ლვოვში ჩავიდა, სადაც ევროკავშირის საგარეო საქმეთა მინისტრების არაფორმალურ შეხვედრას დაესწრება, რომელიც დღეს გაიმართება.

ჟურნალისტებთან კომენტარში მინისტრმა განაცხადა, რომ გერმანია მომავალშიც იმ ქვეყნებს შორის იქნება, რომლებიც ყველაზე მეტად უჭერენ მხარს უკრაინას.