307 უკრაინელი დამცველი სახლშია, - ამის შესახებ უკრაინის პრეზიდენტი, ვოლოდიმირ ზელენსკი სოციალურ პლატფორმა X-ზე წერს.

„დღეს თურქეთში მიღწეული შეთანხმების ფარგლებში „ათასი-ათასზე“ გაცვლის მეორე დღეა. სულ, ამ ორი დღის განმავლობაში სახლში 697 ადამიანი დაბრუნდა. ველით, რომ ეს პროცესი ხვალაც გაგრძელდება“, - წერს ვოლოდიმირ ზელენსკი.

ვოლოდიმირ ზელენსკის ცნობით, დაბრუნებულ სამხედროებს შორის უკრაინის შეიარაღებული ძალების, სახელმწიფო სასაზღვრო დაცვის სამსახურისა და უკრაინის ეროვნული გვარდიის ჯარისკაცები არიან.

„ჩვენი მიზანი რუსეთის ტყვეობიდან ყველა ადამიანის დაბრუნებაა. ჩვენ ვაგრძელებთ ჩვენს პარტნიორებთან თანამშრომლობას, რათა ეს შესაძლებელი გახდეს“, - აღნიშნავს უკრაინის პრეზიდენტი.

შეგახსენებთ, რუსეთსა და უკრაინას შორის ტყვეების მასშტაბური გაცვლის პირველი ეტაპი გუშინ შედგა. მხარეებმა 390 ადამიანი გაცვალეს, მათ შორის 270 სამხედრო მოსამსახურე და 120 სამოქალაქო პირი.