აშშ-ის ბაზებზე ირანის თავდასხმის ფონზე დონალდ ტრამპი სიტუაციურ ოთახში იმყოფება, - ამის შესახებ ინფორმაციას The Guardian-ი ავრცელებს.

გამოცემის ცნობით, აშშ-ის პრეზიდენტი, დონალდ ტრამპი სიტუაციურ ოთახში აშშ-ის შეიარაღებული ძალების გაერთიანებული შტაბების ხელმძღვანელთან, გენერალ დენ კეინთან და აშშ-ის თავდაცვის მდივან, პიტ ჰეგსეტთან ერთად იმყოფება.

შეგახსენებთ, ცოტა ხნის წინ ირანმა კატარსა და ერაყში მდებარე აშშ-ის სამხედრო ბაზების მიმართულებით რაკეტები გაუშვა.

The New York Times-ის ინფორმაციით, აშშ-ის ბაზაზე იერიშის შესახებ ირანმა კატარს წინასწარ აცნობა.