საფრანგეთში გაფიცვის გამო 170-ზე მეტი ავიარეისი გადაიდო, რამაც ათასობით მგზავრი დააზარალა. BBC-ის ინფორმაციით, ავიაკომპანია Ryanair-მა განაცხადა, რომ იძულებული გახდა 170-ზე მეტი რეისი გაეუქმებინა, რამაც 30 000-ზე მეტი მგზავრის გადაადგილებაზე იქონია გავლენა.

გაფიცვის გამო გადაიდო კომპანია EasyJet-ის ათობით ავიარესიც.

BBC-ის ცნობით, პროფკავშირებმა გაფიცვა პარიზის ყველა მთავარ აეროპორტში გამოაცხადეს. ამასთან, პარასკევს, საფრანგეთის აეროპორტებში, სავარაუდოდ, შეფერხებები გაუარესდება, რადგან პარიზის შარლ დე გოლის, ორლას და ბოვეს აეროპორტებიდან ფრენები 40%-ით შემცირდება.

როგორც გამოცემა წერს, გაფიცვების მიზეზი პერსონალის დეფიციტი და მენეჯმენტის პრობლემებია, რაც მოლაპარაკებების მიუხედავად ჯერ კიდევ გადაუჭრელი რჩება.