აშშ-ის სახელმწიფო მდივან მარკო რუბიოსა და რუსეთის საგარეო საქმეთა მინისტრ სერგეი ლავროვს შორის მალაიზიის დედაქალაქ კუალა-ლუმპურში დღეს შეხვედრა გაიმართება, - ინფორმაციას რუსული მედია სახელმწიფო დეპარტამენტზე დაყრდნობით ავრცელებს.

მათივე ინფორმაციით, შეხვედრა სამხრეთ-აღმოსავლეთ აზიის ქვეყნების ასოციაციის (ASEAN) ღონისძიების ფარგლებში გაიმართება.

მანამდე, რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა, რომ ASEAN-ის ღონისძიების ფარგლებში ორი ქვეყნის საგარეო საქმეთა უწყებების ხელმძღვანელების შეხვედრა მზადდებოდა.

ცნობისთვის, მალაიზიაში სამხრეთ-აღმოსავლეთ აზიის ქვეყნების ასოციაციის საგარეო საქმეთა მინისტრების ყოველწლიური შეხვედრა იმართება.