გერმანია გეგმავს დამატებით 15 F-35 გამანადგურებლის შეძენას. გამოცემა Politico-ს ინფორმაციით, აღნიშნული გერმანიას საშუალებას მისცემს აშშ-ში წარმოებული გამანადგურებლების ფლოტი 50-მდე გაზარდოს.

გერმანიის მიერ გავრცელებული ინფორმაციით, შეკვეთა ასევე შეესაბამება ნატოს მოკავშირეებს შორის შეთანხმებას, რომ მომდევნო ათწლეულის განმავლობაში რუსეთიდან მომავალი საფრთხის ფონზე მათი კოლექტიური თავდაცვის ხარჯები 5%-მდე გაიზარდოს.

გერმანიის კანცლერმა ფრიდრიხ მერცმა ოთხშაბათს განაცხადა, რომ გერმანიასა და საფრანგეთს შორის FCAS პროექტის კონფიგურაციასთან დაკავშირებით უთანხმოება კვლავ რჩება, რის გამოც გადაწყვიტეს გამანადგურებლები აშშ-სგან იყიდონ. მიმდინარე კვირის დასაწყისში გავრცელდა ინფორმაცია, რომ საფრანგეთი FCAS-ს 80%-ს ითხოვს.