ქუთაისი-წყალტუბოს გზაზე ავტოსაგზაო შემთხვევას მოტოციკლის მძღოლი, 33 წლის მამაკაცი ემსხვერპლა.

შემთხვევის დროს დაშავდა კიდევ ერთი ადამიანი.

უფრო კონკრეტულად, თვითმხილველების ინფორმაციით, მაღალი სიჩაქარით მოძრავი მოტოციკლი ამოყირავდა, მძღოლის დასახმარებლად გზაზე გადასულ მამაკაცს კი ავტომობილი დაეჯახა.

დაშავებულები კლინიკაში გადაიყვანეს.

მოტოციკლის მძღოლი კლინიკაში შეყვანის შემდეგ გარდაიცვალა.

მეორე დაშავებულს კი ქირურგიული ოპერაცია ჩაუტარდა, ის რეანიმაციულ განყოფილებაში რჩება.

მომხდარზე დაწყებულია გამოძიება.