Reuters - ესპანეთში პოლიციამ ულტრამემარჯვენე ჯგუფებსა და მიგრანტებს შორის დაპირისპირების შემდეგ რვა ადამიანი დააკავა
ესპანეთში პოლიციამ ულტრამემარჯვენე ჯგუფებსა და მიგრანტებს შორის დაპირისპირების შემდეგ რვა ადამიანი დააკავა , - ამის შესახებ ინფორმაციას სააგენტო Reuters-ი ესპანეთის ხელისუფლებაზე დაყრდნობით ავრცელებს.
ესპანეთის ხელისუფლების განცხადებით, პოლიციამ ქალაქ ტორე პაჩეკოში არეულობის დროს, რომელიც სამი დღეა გრძელდება, ორი უცხო ქვეყნის მოქალაქე, ხუთი ესპანელი და ერთი ჩრდილოეთ აფრიკული წარმოშობის პირი დააკავა.
გამოცემის ინფორმაციით, დღეს ღამით, რამდენიმე ახალგაზრდამ პოლიციელებს შუშის ბოთლები ესროლა, ხოლო პოლიციამ რეზინის ტყვიები გამოიყენა.
ცნობისთვის, ტორე პაჩეკოში არეულობა მას შემდეგ დაიწყო, რაც 68 წლის მამაკაცმა ესპანურ მედიას განუცხადა, რომ ჩრდილოეთ აფრიკული წარმოშობის სამმა ახალგაზრდამ ქუჩაში სცემა.
პოლიციის ცნობით, მთავარი დამნაშავის ვინაობა ცნობილია და ახლა მას ეძებენ.
