აშშ-სთან შეთანხმების ფარგლებში უკრაინა დიდი რაოდენობით სამხედრო შეიარაღებას მიიღებს, - ამის შესახებ ნატო-ს გენერალურმა მდივანმა, მარკ რუტემ თეთრ სახლში აშშ-ის პრეზიდენტთან, დონალდ ტრამპთან შეხვედრისას განაცხადა.

„ეს ძალიან მნიშვნელოვანი რამ არის. ეს ნიშნავს, რომ ევროპელები ძალისხმევას აძლიერებენ. ეს მხოლოდ პირველი ნაწილია, კიდევ ბევრი იქნება“, - განაცხადა მარკ რუტემ.

მისი თქმით, შეთანხმებაში ჩართვის სურვილი ბევრმა ევროპულმა ქვეყანამ გამოთქვა.

„ეს ნიშნავს, რომ უკრაინა მართლაც დიდი რაოდენობით სამხედრო შეიარაღებას მიიღებს, როგორც საჰაერო თავდაცვისთვის, ასევე რაკეტებსა და საბრძოლო მასალებს“, - აღნიშნა ნატო-ს გენერალურმა მდივანმა.