ვოლოდიმირ ზელენსკი - სუმის ოლქის ოკუპაციასთან დაკავშირებით რუსეთის გეგმა ჩაიშალა
უკრაინის პრეზიდენტის, ვოლოდიმირ ზელენსკის განცხადებით, უკრაინის შეიარაღებული ძალების მთავარსარდალმა, ალექსანდრ სირსკიმ მასთან შეხვედრაზე ყურადღება გაამახვილა პოკროვსკის მიმართულებაზე არსებულ მდგომარეობაზე.
„მხოლოდ ბოლო 24 საათის განმავლობაში 51 ძალადობრივი შეტაკება მოხდა. უკრაინული ქვედანაყოფები იცავენ თავიანთ პოზიციებს და ოკუპანტების ყოველი განადგურება ძალიან ფასეულია. სუმის ოლქში ჩვენი აქტიური მოქმედებები გრძელდება და მადლობელი ვარ თითოეული ქვედანაყოფის, რომლებიც თანდათანობით დევნიან რუსულ ძალებს“, - აღნიშნა ზელენსკიმ.
მისი თქმით, სუმის ოლქის ოკუპაციასთან დაკავშირებით რუსეთის გეგმა ჩაიშალა, თუმცა ეს რეგიონი მტრისთვის ერთ-ერთ პრიორიტეტულ ტერიტორიად რჩება.
„ჩვენი ძალები განუწყვეტლივ ბლოკავენ რუსეთის მცდელობებს, სასაზღვრო ზონიდან სუმის ოლქში ღრმად შევიდნენ. კვირის განმავლობაში ასევე იყო შედეგები უკრაინისთვის გაცვლითი ფონდის შევსების კუთხით. ვაგრძელებთ მოქმედებას რუსეთის ტერიტორიაზეც“, - განაცხადა ზელენსკიმ.
მისი თქმით, დეტალურად განიხილეს ქვედანაყოფების საჭიროებები, კერძოდ, კონკრეტული იარაღი, რომლის მიწოდებაც უნდა გაიზარდოს. ზელენსკიმ განაცხადა, რომ ამ საკითხს ევროპელ პარტნიორებთან მომავალ კვირას განიხილავს.
ამასთან, მისი თქმით, დღესვე მოხსენება წარადგინა დაზვერვის მთავარი სამმართველოს ხელმძღვანელმაც.
„დეტალებს არ დავაკონკრეტებ, მაგრამ აგრესორი ყველაფერს ზუსტად ისე იგრძნობს, როგორც საჭიროა“, - აღნიშნა ზელენსკიმ.
ვოლოდიმირ ზელენსკი - სუმის ოლქის ოკუპაციასთან დაკავშირებით რუსეთის გეგმა ჩაიშალა
უკრაინის პრეზიდენტის, ვოლოდიმირ ზელენსკის განცხადებით, უკრაინის შეიარაღებული ძალების მთავარსარდალმა, ალექსანდრ სირსკიმ მასთან შეხვედრაზე ყურადღება გაამახვილა პოკროვსკის მიმართულებაზე არსებულ მდგომარეობაზე.
„მხოლოდ ბოლო 24 საათის განმავლობაში 51 ძალადობრივი შეტაკება მოხდა. უკრაინული ქვედანაყოფები იცავენ თავიანთ პოზიციებს და ოკუპანტების ყოველი განადგურება ძალიან ფასეულია. სუმის ოლქში ჩვენი აქტიური მოქმედებები გრძელდება და მადლობელი ვარ თითოეული ქვედანაყოფის, რომლებიც თანდათანობით დევნიან რუსულ ძალებს“, - აღნიშნა ზელენსკიმ.
მისი თქმით, სუმის ოლქის ოკუპაციასთან დაკავშირებით რუსეთის გეგმა ჩაიშალა, თუმცა ეს რეგიონი მტრისთვის ერთ-ერთ პრიორიტეტულ ტერიტორიად რჩება.
„ჩვენი ძალები განუწყვეტლივ ბლოკავენ რუსეთის მცდელობებს, სასაზღვრო ზონიდან სუმის ოლქში ღრმად შევიდნენ. კვირის განმავლობაში ასევე იყო შედეგები უკრაინისთვის გაცვლითი ფონდის შევსების კუთხით. ვაგრძელებთ მოქმედებას რუსეთის ტერიტორიაზეც“, - განაცხადა ზელენსკიმ.
მისი თქმით, დეტალურად განიხილეს ქვედანაყოფების საჭიროებები, კერძოდ, კონკრეტული იარაღი, რომლის მიწოდებაც უნდა გაიზარდოს. ზელენსკიმ განაცხადა, რომ ამ საკითხს ევროპელ პარტნიორებთან მომავალ კვირას განიხილავს.
ამასთან, მისი თქმით, დღესვე მოხსენება წარადგინა დაზვერვის მთავარი სამმართველოს ხელმძღვანელმაც.
„დეტალებს არ დავაკონკრეტებ, მაგრამ აგრესორი ყველაფერს ზუსტად ისე იგრძნობს, როგორც საჭიროა“, - აღნიშნა ზელენსკიმ.
