პეკინსა და მიმდებარე პროვინციებში ძლიერ წვიმას სულ მცირე ოთხი ადამიანი ემსხვერპლა.

როგორც Reuters წერს, ამ დროისთვის კიდევ რვა ადამიანი დაკარგულად ითვლება. ადგილობრივი ხელისუფლება მოსახლეობას აფრთხილებს, რომ მომდევნო დღეებში ამინდი გაუარესდება და კატასტროფების რისკი გაიზრდება.

სახელმწიფო მაუწყებლის CCTV-ის ცნობით, ხელისუფლებამ 4400-ზე მეტი ადამიანის ევაკუაცია განახორციელა. ამ დროისათვის ელექტროენერგია 10 000-ზე მეტ ადამიანს არ მიწოდება.