აშშ რუსეთის წინააღმდეგ მეორად სანქციებს 8 აგვისტოს შემოიღებს. ამის შესახებ ინფორმაციას გამოცემა Reuters-ი თეთრი სახლის წარმომადგენელზე დაყრდნობით ავრცელებს.

„რუსებს სურთ შეერთებულ შტატებთან ჩართულობის გაგრძელება. მეორადი სანქციების შემოღება მაინც მოსალოდნელია პარასკევს [8 აგვისტოს],” - განაცხადა თეთრი სახლის წარმომადგენელმა.

მისი თქმით, მოსკოვში აშშ-ის პრეზიდენტის სპეცწარმომადგენლის, სტივ უიტკოფისა და რუსეთის პრეზიდენტის, ვლადიმერ პუტინის შეხვედრამ “კარგად ჩაიარა”, მაგრამ ვაშინგტონი მაინც გეგმავს პარასკევს რუსეთის წინააღმდეგ მეორადი სანქციების შემოღებას.

ცნობისთვის, ცოტა ხნით ადრე მოსკოვში აშშ-ის პრეზიდენტის სპეცწარმოადგენლის, სტივ უიტკოფისა და რუსეთის პრეზიდენტის, ვლადიმერ პუტინის შეხვედრა დასრულდა, რომელიც დაახლოებით სამ საათს გრძელდებოდა.